IX Asemblea Nacional

Tras varios anos sen ningún tipo de organismos de dirección a nivel nacional, os e as militantes dos CAE acordamos que xa era hora de volver a dotarnos dunha nova estrutura firme e consolidada para erguer a nosa organización e traballar con todas as nosas forzas i enerxía pólo noso ensino. De aquí a celebración da nosa IX Asemblea Nacional, que terá lugar o vindeiro 17 de Marzal na cidade olívica de Vigo.

Os nosos obxectivos son moi simples, e nada alonxados dos acordos tomados en anteriores Asembleas Nacionais.
Nesta nova era de asociacionismo estudantil, pularemos por fortalecer a organización a nível nacional pero sobre todo nas cidades e comarcas, xa que o noso obxectivo para este novo período será traballar arreo nas localidades(eixo fundamental para o bo desenrolo e achegamento do estudantado aos CAE), constituírnos tamén en todas as cidades e comarcas onde actualmente non temos presenza, recuperar os comités de centro (básicos e importantísimos á hora do contacto con o estudantado), recuperar todo tipo de publicacións como o CAE-Informa e nova editación de panfletos e demais trípticos que nos axuden a darnos a coñecer sumando así a máxima xente posíbel para loitar por un ensino adecuado ás nosas demandas, galego, democrático, plural e libre de entes españolizadores que oprimen o noso desenrolo como Nación.

Comezamos esta nova era con moita forza e ilusión e con esperanzas de non repetir vellos patróns grazas a unha total renovación da organización e experiencia adquirida de erros anteriores.

Orde do dia

12.00-13.00 Acreditacións e apertura
13:20 Debate informe de xestión e orde do dia
13:40 Debate das teses
15:00 Xantar
16:00 Debate das teses
17:30 Debate dos estatutos
18.00 Debate sobre a unificación cos CAF-CAEF
18.45 Eleizón dos membros dos organismos e representantes no Consello escolar de Galiza
19:00 Clausura