STOP á represión, Fraga represor

O membro dos Comités Abertos de Escola e Faculdade e militante de Galiza Nova detido onte na inauguración de Galiemprego recobrou a liberdade ás 21:00 da noite do 28 de Abril, despois de declarar ante o xuíz nos xulgados composteláns de Fontiñas.

Hai que salientar que a concentración, convocada por Galiza Nova e polos Comités Abertos de Faculdade na súa solidariedade reuniu a máis de 200 mozas e mozos, comezando ás 20:00 da tarde e reconvertindose nunha animada manifestación xuvenil, que percorreu toda a zona vella de Compostela e o bairro de San Pedro, até a porta dos xulgados, visibilizando ante a cidadanía de Compostela a denuncia da mocidade galega do continuo recurte de liberdades promovido polo PP. Na manifestación escoitaronse consignas contra a represión, pola inmediata liberación do compañeiro e críticas directas á responsabilidade do PP, "Fraga contra os mozos, os mozos contra Fraga", "ilegalizar o Partido Popular", etc... Nos xulgados, o compañeiro foi calurosamente recebido por amigos, compañeiros e persoas que se achegaron solidariamente até o lugar.