En defensa dos nosos rios

Os Comités Abertos de Faculdade, xunto con outras organizacións, estamos levando a cabo unha campaña de información e recollida de sinaturas para presentar no parlamento galego unha iniciativa lexislativa popular pola dedefensa dos nosos ríos porque temos a convicción de que a política hidroeléctica practicada pola Xunta de Galiza e Unión Fenosa foi, está e será, senón a frenamos, altamente destructiva cos nosos ríos en particulara e co noso medio ambiente en xeral.

De levarse a termo todos os proxectos hidroeléctricos previstos, só o río Sor quedaría exento da explotación hidroeléctrica. Galiza, porén, ven xa producindo arredor da cuarta parte de toda a enerxía hidroeléctrica que se xera no Estado e esta a enviar fóra mais da terceira parte da enerxía que xenera; unha enerxía pola que temos pagado e estamos pagando enormes e irreversíbeis impactos ambientais, sociais e económicos, sen que a cambio, teñamos percibido contraprestación algunha:

• Nen en calidade do servizo: aínda son moitas as zonas de Galiza con deficiente suministro, mesmo para vivendas.

• Nen en prezo: pagamos en Galiza o mesmo prezo que en calquera parte do Estado, co que ademáis de soportar os impactos, estamos tamén financiando os custos e as perdas que ocasiona o transporte da enerxía fóra de Galiza.

• Nen en creación de riqueza, industrias ou postos de traballo: a provincia de Ourense, onde hai máis de vinte encoros, algúns con xa 50 anos, segue sendo das máis pobres do Estado.

• Nen tampouco sequera en forma de redistribución, a través dos impostos fiscais, dos beneficios empresariais, pois nada recadamos aquí dos ímpostos sobre as enormes plusvalías que as eléctricas xeneran a conta dos recursos naturais dos nosos ríos (e dos nosos montes), creándose así apariencia de que é Galiza un país pobre que necesita ser subsidiado.

Nada, polo tanto, ten de xusto que, despóis de ter pagado tan graves impactos por esta xeneración eléctrica e con todos os nosos montes entregados hoxe á expoliación eólica sen sequera reparo algún polos espazos protexidos, teñamos que seguir sacrificando o pouco que queda de mellor conservado dos nosos ríos. Os ríos galegos, a costa de graves impactos ambientáis, teñen contribuido ao desenvolvemento económico do resto do Estado moi por riba do ambientalmente sostíbel. Ningunha excusa pode haber para seguir entregando os nosos ríos ao negocio e á especulación das empresas eléctricas. Non podemos seguir deixando os nosos ríos en mans dun negocio hidroeléctrico que destrúe o noso patrimonio e as nosas riquezas naturais para o seu propio beneficio.

Os ríos son a seiva nutriza de Galiza: axuda a conservalos para nós e para as futuras xeracións. Apoia a proposta de Lei de iniciativa popular para protección, a conservación e a mellora dos ríos galegos.