Os comités abertos de escola e faculdade (CAF) somos a organización nacionalista do estudantado universitario galego, presente na maior parte de escolas e faculdades dos sete cámpus galegos e formada por estudantes a quen une un obxectivo: un ensino galego, público, democrático e de cualidade, no marco dunha Galiza libre e dun mundo máis xusto e solidario.

Os e as membros dos CAF en cada centro organizan-se nun COMITÉ, grupo de traballo através do cal desenvolvemos na escola ou faculdade tanto actividades própias como aquelas que acordamos colectivamente, a nível nacional ou de cámpus.

Os nosos comités son ABERTOS porque para facer parte deles e botar unha man -portanto, para ser membro dos CAF- non se necesita máis requisio que o de compartir o noso proxecto. As nosas decisións tomamo-las de xeito colectivo, en asembleas onde ti tamén tes voz. Atrevés de campañas reivindicativas e de movilizacións, os CAF denunciamos os moitos problemas que afectan ao sistema educativo, producidos por unha política educativa que non favorece o ensino público galego e que ignora a voz dos e das estudantes.

Esta actividade reivindicativa levamo-la tamén aos órgaos de governo universitários (Claustros, Xuntas de centro, Departamentos...) onde temos presenza, para que neles se debatan as nosas propostas e todos aqueles problemas que padece o estudantado curso tras curso.
O traballo reivindicativo complementemo-lo co traballo dinamizador que cada comité fai no seu centro (organizando xornadas, charlas, festas... ou elaborendo revistas próprias, exposicións).

Os CAF temos un firme compromiso cos valores sociais. Reclamamos para o noso país xustiza social, os valores do ecoloxismo, o feminismo, ou a cultura. Defendemos a sociedade solidária, na que sexa a participación e o dinamismo social os que nos permitan decidir o noso futuro, son princípios que defendemos na actividade diária.

Como demostrou o estudantado galego nas recentes mobilizacións anti-LOU, a unión fai a forza e a auto-organización é imprescindíbel.
Nengún/ha estudante sobra no proxecto dos CAF Organiza-te connosco para defender os teus direitos, unhas mellores condicións de estudo e un futuro digno para o ensino público galego.

Xuntos/as podemos. Contamos contigo