A EXPOSICIÓN “TERRA”:

Esta exposición e o libro editado coa mesma, forman parte dun proxecto mundial que solicita o apoio internacional a favor dunha reforma agraria no Brasil.

Brasil é o pais coa maior superficie de terras agrícolas do mundo; mais estás terras están nas mans do 1% da poboación. Ocupar terras é a única posibilidade de vida e futuro que están a ter os brasileiros. Logo de séculos de roubo de terras aos indíxenas e labregos, o resultado é unha concentración das terras sen parangón no mundo. Segundo Nacións Unidas, Brasil é o pais cun peor reparto de Terras e unha maior desigualdade social; o 30% da poboación vive con menos dun dólar diario. Neste escenario surxe vai 20 anos o MST (Movemento dos Sem Terra), o movimento social mais multitudinario do mundo que loita por dar un futuro aos milleiros de persoas que malviven no Brasil. Sebastião coa sua cámara fotografía sabiamente este proxecto, e aporta o seu gran de area a este MOVEMENTO POLA XUSTIZA.

Nesta exposición S.Salgado amósanos a xente da terra, aos traballadores sen terra (garimpeiros e boias frias), a tristeza da cidade (as favelas, a vida baixo as pontes), a forza da vida e a loita pola terra (a loita pola supervivencia, os asentamentos e o traballo diario do MST , a violencia sobre o campesiñado).