O 29-D todas/os coa Seleción !

Como saberás Galiza conta por fin coa súa propia Selección oficial de fútbol. Foron moitos anos de reivindicacións, moitos os colectivos, persoeiros e deportistas do País que reclamaon o noso dereito, como pobo, a contar cunhas seleccións deportivas oficiais. Unhas seleccións que representasen a Galiza no mundo como unha nación máis. Estas reivindicacións nunca foran atendidas pola anterior Xunta de Galiza do PP. Foi a chegada do BNG ao goberno o que fixo que este soño que moitos e moitas de nós tiñamos se fixera uha realidade.

Dende os CAF estamos a traballar para que o primeiro partido da Selección Galega de futbol sexa un éxito, por iso queremos animarte a que acudas ao encontro que se disputará o vindeiro 29 de nadal en San Lázaro (Compostela) contra a Selección Nacional de Uruguai.
Se estas interesado en ir ao partido e non sabes como conseguir a túa entrada ou tes calquera dúbida ponte en contacto cos CAF da túa faculdade ou escola.