Eleccións ao Claustro na Universidade de Vigo
[4/05/08] O estudantado dos Campus de Ourense, Pontevedra e Vigo está chamado ás urnas o próximo 20 de maio para escoller aos seu representantes no Claustro da Universidade de Vigo e nos Consellos de Departamento.

Grande éxito das mobilizacións contra a suba das Taxas!
[29/04/08] Aulas baleiras e masivas mobilizacións, máis unha vez, en todo o País para parar a suba das Taxas son o saldo máis que positivo desta xornada de Folga.

II Curtas GZ
[17/04/08] O Comité de CC. SS. e da Comunicación dos CAF de Pontevedra volven organizar as Xornadas da Curtametraxe Galega -curtas.gz- desta volta serán os días 5 e 6 de maio na Faculdade Ciencias Sociais de Pontevedra e polas que temos solicitado 1 crédito de libre elección para estudantes de toda a Uvigo, a matrícula é de balde.

· Matricúlate aquí!

A UdC posiciónase
contra a suba das taxas de matrícula no SUG
[17/04/08] O Claustro da UdC posiciónase contra a suba das taxas sen votos en contra e grazas a unha petición unitaria dos representantes de estudantes neste órgano.

Eleccións ao Claustro da USC
[17/04/08] No Claustro a nosa acción destacou sobre as demáis levando a voz do estudantado ás institucións, sendo oposición ás políticas do reitorado. Por iso, nestas eleccións, votar aos candidatos e ás candidatas dos CAF é a mellor maneira de reforzar a loita por unha universidade pública, galega e de calidade. Cun amplo grupo de claustrais dos CAF, ficará garantido que os problemas do estudantado serán escoitados no Claustro e que a política do reitorado recibirá unha forte resposta.

Asemblea Constituínte
da Nova Organización do estudantado galego
[14/04/08] Os Comités Abertos de Estudantes e os Comités Abertos de Escola e Faculdade convocamos para o próximo 10 de maio na Coruña a Asemblea Nacional Constituínte da Nova Organización do estudantado galego baixo o lema Organizando o estudantado de hoxe para a Galiza de mañá e que procura unir o estudantado de ensino medio e de universidade nunha única organización.

Despenalización do aborto
[29/03/08] O Comité de Dereito dos CAF da Coruña teñen programado un debate en torno á despenalización do aborto coa participación de Ana Pontón (BNG), Laura Seara (PSOE), Susana López (PP) e Luz María Puente (Profesora de Dereito Penal da UdC) terá lugar no Salón de Graos de Dereito ás 12:00 h do Mércores 2 de Abril.

· Cartaz do debate

Ciclo de Cinema:
Terra e Revolución!
[24/03/08] O Comité de Filoloxía da Coruña celebrará todos os mércores 2, 9, 16 e 23 de abril o III Ciclo de Cinema: Terra e Revolución para o que temos solicitado 1 crédito de libre elección. As sesións terán lugar ás 16:30 no Salón de Graos da Facultade de Filoloxía da Universidade da Coruña.

· Cubertas todas as prazas!

Exclúen á CIG dos Consellos Sociais das Universidades
[20/03/08] A Consellaría de Educación decide ilegalmente excluir á CIG (2ª forza sindical na Galiza) dos Consellos Sociais das Universidades Galegas.

Imprimir en Ciencias,
Misión imposíbel!
[12/03/08] Os Comités Abertos de Escola e Faculdade de Ciencias no Campus de Vigo veñen de iniciar unha campaña para denunciar o mal funcionamento dos servizos de impresión das aulas de informática e reprografía e demandar ao decanato unha solución a este problema.

· CAF Informa da Campaña

10 de Marzo, Día da Clase
Obreira Galega
[10/03/08] Contra a carestía da vida salarios dignos. A CIG convoca para o día da Clase Obreira Galega unha marcha que partirá ás 19:30 horas do local do sindicato en Ferrol e rematará no Cantón.

Día das Mulleres
[8/03/08] Pese as prohibicións gubernamentais, as mulleres, na Galiza, estivemos na rúa este 8 de Marzo. Non podíamos quedar na casa e caladas, non nos podían silenciar, sobre todo no día internacional da nosa loita, no dia internacional das mulleres.

Xornadas de Economía
Alexandre Bóveda
[27/02/08] O Comité de Económicas, ADE e Empresariais dos CAF e a Asociación de Estudantes por unha Economía Galega "Roi Xordo" da Coruña organizan para os próximos días 11, 12, 13, 26, 27 de marzo e o 3 de abril polas que están solicitados 2 créditos de libre elección pola UdC.

· Matricúlate nas Xornadas

Múdao!
[29/01/08] Os Comités Abertos de Escola e Faculdade comezamos esta campaña na véspera dos exames de Febreiro para evitar que máis unha vez se salten os nosos dereitos lingüísticos: Temos dereito a que nos dean os nosos exames en galego!

O CXG posiciónase contra a suba das TAXAS!
[28/1/08] O Consello da Xuventude de Galiza aprobou este sábado unha iniciativa dos CAF na que se pedía á Consellaría de Educación a conxelación da suba das Taxas para o vindeiro curso.

Aborto Libre e Gratuito na
Sanidade Pública!
[22/1/08] Os Comités Abertos de Escola e Faculdade apoiamos as concentracións que o próximo mércores 23 de xaneiro às 20hs a Marcha Mundial das Mulleres convoca varias cidades do país para reclamar o dereito ao Aborto.

Proxección + Coloquio
[16/01/08] O Comité de Dereito do Campus da Coruña ven de organizar para o xoves 17 de Xaneiro a proxección do filme documental "Voces contra a globalización nun mundo desigual" que terá lugar no Salón de graos da Facultade de Dereito.

I Xornadas Lingua Literatura e Nación Carvalho Calero
[14/12/07] O Comité de Filoloxía da Coruña organizou para os días 16, 17 e 18 de Xaneiro as I Xornadas Lingua, Literatura e Nación: "Ricardo Carvalho Calero" que se desenvolverán no Salón de Graos da Facultade de Filoloxía da Coruña. A matrícula é de balde, e o prazo para se apuntar é até o día 16 de Xaneiro ás 16:00 horas. Están solicitados 2 créditos de Libre Elección pola UdC.

Mércores 12
Eleccións na USC
[4/12/07] O próximo Mércores 12 de Decembro os estudantes da USC estamos chamados ás urnas para escoller os representantes nas Xuntas de Centro. Os CAF apresentamosnos desta volta baixo o lema Abrindo Camiños nas Aulas e pedimos o apoio de todo o estudantado da USC o día 12 baixo as premisas da defensa dun ensino galego, público, democrático e de calidade.

Paremos o plano de Políticas!
[3/12/07] O Comité de Políticas dos CAF informa sobre o cambio do plano de estudos. Ante a caótica situación que a nosa facultade está a padecer, os CAF queremos denunciar: que a nosa postura sempre estivo, está, e estará en contra da imposición antidemocrática e homoxeneizante do denominado EEES.

· Contra a imposición do Decanato

Eleccións a Reitor na UdC
[30/11/07] Os Comités Abertos de Escola e Faculdade como organización estudantil temos a obriga de valorar e facer pública a nosa posición ante o proceso aberto na Universidade da Coruña para a Elección do Reitor para os vindeiros 4 anos.

Paremos a suba das Taxas!
[23/11/07] O Xoves 22 de Novembro estregamos as máis de 10000 sinaturas que recollemos en todos os Campus do País e para exixir unha reunión coa Consellaría de Educación que finalmente a reunión terá lugar o Martes 27 ás 10:00 h da maña.

· Cobertura mediática Nacional
· Galería de fotos da Concentración

Benvida señora Ministra
[17/11/07] Recibimos con apupos á Ministra de Educación e Ciencia na súa visita á cidade da Coruña este sábado. Protestamos contra a suba das taxas, pedimos a tranferencia da política de bolsas e denunciamos as consecuencias da aplicación do Plano Boloña na Galiza.

Entrega das Sinaturas
[16/11/07] O próximo 22 de Novembro ás 12:30 h durante a celebración da Concentración Nacional, faremos entrega das máis de 10000 sinaturas que conseguimos para parar a suba das Taxas, animo que temos que conseguilo!!

Militarismo
fóra da Universidade
[15/11/07] O martes 13 tivo lugar na Faculdade de CC. da Comunicación de Pontevedra unha xornada de propaganda militarista, supostamente dirixida a estudantes, e na que participaban representantes do Ministerio de Defensa e dp CNI. Realizamos unha grande campaña de información antimilitarista entre o estudantado e participamos dun boicot ao propio acto, expresando a nosa repulsa e conseguindo que os militares abandoaran sala.

Xoves 22 ás 12:30 h
Concentración Nacional
[12/11/07] Xa que a Consellaría de Educación non dá fixado unha data para negociar a paralización da suba das Taxas facémolo nós, o Xoves 22 ás 12:30h Concentración Nacional diante da Consellaría (San Caetano), que nos reciban ese día!

· Cartaz Nacional da Concentración

Magosto'07
Castañazo ás Taxas
na Coruña
[12/11/07] O Comité de Filoloxía dos CAF-CAEF no Campus da Coruña vén de ultimar os detalles para a celebración do seu Magosto, este ano focalizado na loita pola paralización da suba das Taxas de matrícula. A celebración será coma sempre na Cafetaría da Faculdade de Filoloxía, o próximo 23 de Novembro a partir das 21:00h e haberá viño, castañas e cervexa de balde.

Magostos no
Campus de Lugo
[12/11/07] Os compañeiros do Campus de Lugo organizan para este Mércores 14 a partir das 19:00h o seu xa tradicional Magosto dedaixo da Cafetaría da Escola Politécnica, non o podedes perder!

Magostos contra
a suba das TAXAS
[7/11/07] Os Magostos dos CAF terán este ano un especial contido reivindicativo e contra a suba das Taxas no Campus de Ourense será o Xoves 8, e no da Coruña o Venres 23 na Faculdade de Filoloxía.

Grande éxito nas concentracións contra a suba das Taxas
[31/10/07] Aulas baleiras en todo o País e masivas mobilizacións contra a suba das Taxas son o saldo positivo desta xornada de Folga Estudantil convocada polos Comités Abertos de Escola e Faculdade. Agradecemos tamén ao estudantado galego o seu compromiso coa campaña dos CAF-CAEF tanto na recollida de sinaturas como nas mobilizacións.

Cobertura mediática
[26/10/07] Arquivo de prensa das novas que os medios escritos e dixitais publicaron en distintas edicións durante todo o mes para cubrir a previa da convocatoria de Folga Estudantil do 31 de Outubro en contra da suba das taxas académicas.

Máis mobilizacións
[23/10/07] Ademais das mobilizacións xa convocadas na Coruña e Compostela, os compañeiros de Pontevedra convocan unha caceirolada diante da Consellaría de Educación ás 12:00 h e nos Campus de Ferrol, Lugo, Ourense e Vigo tamén se convocarán actos reivindicativos para o propio día 31 de Outubro.

· Cartaz da Caceirolada

Consellaría de
Educación, culpábel!
[22/10/07] Vimos de solicitar unha reunión coa Consellaría de Educación que agardamos teña lugar na próxima semana para intentar solucionar o conflito que crearon con estas subas inxustificadas e abusivas.

Mobilizacións
[19/10/07] O Campus de Compostela e máis o Campus d'A Coruña dos CAF-CAEF veñen de convocar concentracións para o día 31 de Outubro ás 12:00 h. na Praza do Toral en Compostela e á mesma hora nos Novos Ministerios na Coruña.

31 de Outubro,
Folga Estudantil!
[1/10/07] Por mor da suba das taxas decretada pola Consellaría de Educación a nosa organización está a desenvolver unha intensa campaña de comezo de curso na que chamamos á Folga o día 31 de Outubro.

· Cartaz da Nacional da Folga
· Panfleto Nacional da Campaña

Novo número d'O Manifesto
[25/07/07] O número 19 d'O Manifesto analiza exahustivamente e por ámbitos de coñecemento: ciencias sociais e xurídicas, experimentais e da saúde, ámbito tecnolóxico e tamén o humanístico; as implicacións do proceso de Boloña na Galiza, analízanse os atrancos para o acceso ao ensino superior e a situación da nosa lingua.

· O número 19 d'O Manifesto

Soben as Taxas!
[27/06/07] Debido á recente comunicación, en rolda de prensa, por parte Conselleira de Educación e Ordenación Universitaria dunha suba no prezo das Taxas Académicas das Univerisdades de SUG, queremos manifestar a nosa total oposición a este incremento desproporcionado e inxusto que supon máis un obstáculo para o acceso universal á educación superior. As Taxas soben 4 puntos con respecto ao ano pasado na primeira matrícula, e sobre esta a segunda un 15% a terceira un 35% e da cuarta para diante un 50%.

Libre Impresión!
[5/06/07] Os Comités Abertos de Escola e Faculdade do Campus d'A Coruña estamos a desenvolver en varios centros unha campaña contra o sistema de control das impresións nas aulas net. Este sistema estase a implantar en practicamente todos os centros e supón a concesión encuberta dun servizo que até o de agora xestionaba directamente a UdC.

· Ligazón a Campus d'A Coruña

Fichas de Profesorado
[5/06/07] Os Comités Abertos de Escola e Faculdade están a repartir en varios centros da UdC unhas fichas de profesorado para simplificar as reclamacións por absentismo do profesorado ou por incumprimento da normativa académica.

Tíralles da Lingua
[11/05/07] Os Comités Abertos de Escola e Faculdade están a desenvolver unha campaña baixo o lema "É a túa quenda, Tíralles da Lingua", a campaña pon de relevo a necesidade de que sexa o estudantado quen faga realidade os Planos de Normalización Lingüística das tres Universidades así como o seu principal protagonista.

· Panfleto Nacional sobre Lingua

Acceso á Universidade
[11/05/07] Os Comités Abertos de Estudantes xunto cos Comités Abertos de Escola e Faculdade están a desenvolver unha intensa campaña contra os atrancos académicos para o acceso ao ensino superior: a Selectividade e a Limitación de Prazas.